ойын сауық отауы
Өмір сүрейік алмасып
16.05.2016 9 588 0 Дауыл

Өмір сүрейік алмасып

Өлеңдер
Мұқағали Мақатаев

Жапырақ - жүрек жас қайың!
Жанымды айырбастайын.
Сен адам бола бастасаң
Мен қайың, бола бастайын.
Келісесің бе, жас қайың?
(Көрінер, мүмкін, кімге ерсі).
Өміріңді маған бір берші!
Дүрбелең мына дүниені,
Адам көзімен бір көрші.
Қайың боп мен де бағайын,
Орманнан орным табайын.
Беймәлім маған өмірге,
Қайың көзімен қарайын.
Сен - дағы жерден нәр алдың,
Мен - дағы жерден нәр алдым.
Біреуден сен де жаралдың,
Біреуден мен де жаралдым.
Тілің жоқ, жанды қайың сен,
Айырмашылығым - Адаммын.
Мендегі бары бір жүрек.
Беріпті жүрек саған мың,
Сондықтан ұзақ жасайсың -
Құрдасы келер заманның.
Бар - жоғы менде бір жүрек,
Ол өлсе мәңгі кеткенім.
Сендегі: семсе мың жүрек,
Келгенде жасыл көктемін
Тірілер қайта дүруреп.
Жапырақ - жүрек, жас қайың!
Жанымызды айырбастайық?
Адам боп жүрсең қасқайып,
Қайың боп тұрам қасқайып,
Тәуекел, айырбастайық.
Өмірге - өмір жалғасып,
Анамыз жерге жармасып,
Бірде адам, бірде қайың боп,
Сүрейік өмір алмасып...

Мұқағали Мақатевтың өлеңдері 1
Мұқағали Мақатевтың өлеңдері 2

Жалғыз қайың. Тұманбай Молдағалиев Жалғыз қайың. Тұманбай Молдағалиев
Жалғыз қайың, сені көрсем, жабығам, Қайдағы бір өткенімді сағынам. Жалғыз тамшы жас жанардан төгілген, Жалғыз жапырақ ерте үзілген бағынан.
Орман Орман
Орман Орман міні, Мұның да үні Кейде жұмсақ, кейде шу.
Күзгі көңіл Күзгі көңіл
Терек, қайың; гүл мен тікен; жас, кәрі - қалтылдайды сап - сары шөп бастары. Көңіл желін бұлтпен басып тастады, күзгі өңірдің шаттығы да сап - сары.
Өзеніне асыққан бұлақтайын Өзеніне асыққан бұлақтайын
Өзеніне асыққан бұлақтайын, Енесіне жүгірген лақтайын, Жайқалайын жаныңда құрақтайын, Енді мен де саған кеп тұрақтайын.
Сағыныштан сарғайып сары қайың Сағыныштан сарғайып сары қайың
Сағыныштан сарғайып сары қайың, Жапырақтар шертеді сары уайым. Кернейлетіп, сыңсытып жет, тырналар, Ұзатқалы барады сәуір айын.
Алматының аспаны Алматының аспаны
Тал түсте, Бозғыл деңгейде, Шуағын жерге төккен Күн. Жылымық қыста кей - кейде, Иісі келер көктемнің.
Пікірлер (0)
Пікір білдіру
Ақпарат
Қонақ,тобындағы қолданушылар пікірін білдіре алмайды.
×