Кентал - Жарым

Жарым жақсы киім киіп, Келді жанға жылы тиіп. Диуана болды бұл көңілім, Басылмай бір құшып, сүйіп.

Жарық дүние - ай! Жарығың неткен жақсы еді? Жаңылыспаспын, жарым деп айтсам нақ сені. Құшаққа сыйсаң, құшырым қанып, өбер ем, Құшақтап тұрып, өлер ем.

Дариға, домбырамды берші маған, "Жаныма келші, жарым, келші балам! Бейуақ, іңірдегі көңіліме, Күй болып, күңіреиіп енші, далам.

От жұтқан туысқанның халін көріп, Күнәсіз судай аққан қанын көріп, Айрылған ар - намыстан қарындастың Көз жасы, қалың қайғы, зарын көріп.

Кердең - кердең жүресің сен, не таптың? Мен айтайын - айнымайтын жар таптым. Күндіз - түні жар қойнында жатамын, Естімеймін уын - шуын жан - жақтың.

Рақатсыз өтсе де өмір жасым, Бұл жөнімнен Құдайым айырмасын. Ұзақ жолға ниет қып бір шыққан соң, Жарым жолдан қайтпаспын, қарындасым!