Ойын сауық отауы


Жұмбақ: Табиғат

Табиғат туралы жұмбақтар
Қасқанасы қылтылдап, көз қарасы жылтылдап. Ұзын - ұзын ұз келер, ұзын бойлы қыз келер
Ағынды су

Орақ болып туады, табақ болып тынады
Ай

Бейнесі суда дірілдейді, қармаққа бірақ ілінбейді
Ай

Көк төрінде жоғары, ілулі тұр атамның сапталмаған орағы
Ай

Керегенің басында кетпен құйрық, кесіп алса, таусылмас неткен құйрық
Ай

Қонақтап күнде қонар су бетіне, сүйсінер барлық адам келбетіне. Тұлғасы су ішінде көрінеді, таңырқап қарап тұрсам сүретіне.
Ай

Мұхиттардың ортасында аппақ тау бар, түк өспейді жер шарының картасында, оған еш шың теңеспейді.
Айсберг

Мұхитта дәу бір - қалқып тау тұр
Айсберг

Көкжиегі тұйық дөң, шатыр тіккен биік кең
Аспан

Төрінде тұр нұр көзі, жердің биік күмбезі
Аспан

Әйнектей көгілдір, теңіздей тым мөлдір
Аспан

Күмбез сынды кең сарай, еш жерде жоқ тең сарай
Аспан

Айдалада көк шатыр, көк шатырда қызыл көзді шал жатыр
Аспан мен Күн

Қағыл, қағыл, қағыл кілем, Қағайын десем ауыр кілем. Сатайын десем, тәуір кілем
Аспан мен жер

Тіршілік аусар тек, ұстасаң қауқар жоқ, айналам қоршау көк, одан асқан кәусар жоқ
Ауа

Түсі бар көрінбейтін, бір тұтас бөлінбейтін. Тынысы ол тіршіліктің, ешқашан жерінбейтін
Ауа

Ештеңеден қаймықпай, көзді арбаған өрнекпен. Сурет салар айнытпай, шебер еді ол неткен?
Аяз

Тек өзі көрінбейді, адамды тоңдырады ызғары дірілдетіп, есіңнен тандырады
Аяз

Қолы менен қаламы жоқ, бірақ сурет салады көп
Аяз

Тоңғақты таниды, беті қолын қариды
Аяз

Жерді тырнап, бұтаны ырғап, шөпті сипап, ұшады зырлап, жанын қинап, ұлиды зарлап.
Боран

Бір дүлей күш - қас пейілді. Итереді кеудеңнен. Алысайын десең, қолға түк те ілікпейді
Боран

Көрінбейді өзі, терезені ұрады. Айтатын жоқ сөзі, ысқырып тұрады, болмаса да аяқ - көзі, серуен де құрады. Бұл не?
Боран

Жер түбінен боз жорға ат келеді
Боран

Қуып едім, мойнын бұрмады, ұстайын деп едім, қолға тұрмады
Боран

Зәулімде тұрағы, тіреусіз тұрады
Бұлт

Дәу шүйкесін, күн алды, көк теңізге түсіріп, шығарды да жұлбасын, жел әкетті ұшырып
Бұлт

Етек - жеңі жиналмай, дауыл тұрса дым қалмай, түйдектеліп көшеді, тоз - тоз болып өшеді
Бұлт

Қара алып жарқыратып, жасын атып, күркірейді. Суды сайға сарқыратып, демі шөпті сілкілейді
Бұлт

Көшіп жүріп желменен, сеуіп шықты тамшысын, қыраттарға шөлдеген.
Бұлт

Бірде - селдір жабағы, бірде - теңбіл жабағы
Бұлт

Будақ түтін түсі аппақ, көк жүзіне тұзақтап, қойғандай - ақ жылжымай, тауды өбеді қүшақтап
Бұлт

Көк көрпенің мақтасы, Әр жерде жүр бытырап. Біріктіруге қол жетпес болды - ау, шіркін, ысырап.
Бұлт

Бірде былдыр - былдыр, сәбилердің тіліндей, бірде сыңғыр - сыңғыр, қоңыраудың үніндей, ән сап жатқан ерінбей, Бұл не?
Бұлақ

Сынаптай жылтырап, биіктен сырғиды, ән салып былдырап, іздейді ылдиды
Бұлақ

Шашылды көктен ақ моншақ, жоғалды біздер тапқанша - ақ
Бұршақ

Дауыл ақ дән ұшырып, шашып өтті аспаннан. Шекемізді ісіріп, қаштық үйге сасқаннан.
Бұршақ

Ақ құмалақ шашылды, жан - жаққа бырдай боп. Күн көзі ашылды, жер қапты жұрдай боп.
Бұршақ

Шөміші жоқ, теңізді сапырады. Кебісі жоқ, егінді жапырады.
Дауыл

Аспаннан домалап, көп моншақ төгілді. Бусанып жон - алап, терледі, керілді
Жаңбыр

Көкте туып, жерде өледі
Жаңбыр

Төбеден төнеді, тамшысын төгеді. Сол кезде ой қаулап, бәйшешек өнеді
Жаңбыр

Айтқаныңды айнытпай, қайталады өзіңе тіл қатқанмен қаймықпай, көрінбейді көзіңе.
Жаңғырық

Дауысыңды қайталап жырақта, айнытпай жеткізер құлаққа
Жаңғырық

Ағаштарды шайқайды, көзге көрінбейді. Шарлағанда сай - сайды, бір сәт ерінбейді
Жел

Қанаты жоқ ұшады, Аяғы жоқ қашады
Жел

Жайғаным түкті кілем, ілгенім – тықыр кілем
Жер мен аспан

Алып кілем - гүлге толы үсті кілең
Жер

Сарайдың сансыз шырағы, нұр шашып, самсап тұрады
Жұлдыз

Жылт - жылт етіп төбемде, түсе алмай тұр төменге
Жұлдыз

Күндіз білінбейді, түнде күлімдейді
Жұлдыз

Үй үстінде ұсақ тас
Жұлдыз

Там басына тары жайдым
Жұлдыз

Жарқылдан соң жаңағы, суға бөкті бар алап. Көкте түрлі жолақты, өрнек тұрды ғаламат!
Кемпірқосақ

Келістіріп өрнегін, құрып қойды өрмегін
Кемпірқосақ

Жаңбыр жуды жерімді, көкте өрмек керілді
Кемпірқосақ

Алып мұхит - ақ алау, шеті шексіз жағалау
Көкжиек

Ауыл сыртында сайда, жатыр үлкен айна.
Көл

Үлкен алтын табақтан, әлемге нұр таратқан
Күн

Алауға оранып, көкке өрлеп шығады. Бір айналып оралып, көкжиекке бұғады
Күн

Тұрғанымен жырақ өзі, таусылмайтын шырақ көзі
Күн

Қос алып көз, бірі – жарықта көреді, бірі қараңғыда көреді
Күн мен ай

Әлемнің бар екі күзетшісі, бірі – күндіз тынығады, бірі – түнде тынығады.
Күн мен ай

Мекені көкте екі ару бір - бірін көруге зәру
Күн мен ай

Бір тәулікте екі жайын, бірі кетсе, бірі дайын
Күн мен Түн

Ақ сандығым ашылды, ішінен жібек шашылды
Күннің сәулесі

Кім әйнекті сындырмай Көктеп өтеді?
Күннің сәулесі

Әуеде ақ мамық қалбалақтап ұшады. Қанаты талып, жерді барып құшады
Қар

Аспаннан ақ ұлпа борады, қырқаны сейсепке орады
Қар

Қоймасын қыс ақтарып, жерді жапты ақ мамық
Қар

Қыста ғана болады, ұстасаң, қолың тоңады
Қар

Тап - тап жорға, тап жорға, табаны жалпақ боз жорға. Үйірі келсе кісінемес, шөптің басын тістемес.
Қар

Ұлпа мамық аппақ, жүрмін оны таптап. Күн жылынған кезде, тұра алмаймын сақтап
Қар

Мамықтай ұлпа, қанттай ақ. қыста жер бетін басады, жазда сайға қашады
Қар

Шөпті жапырып, құмды сапырып. Қоқысты үйіріп, әкеткен не шүйіріп
Құйын

Күнді айналып қозғалады, артында жарық жол қалады
Құйрықты жұлдыз

Мүлгіп тұрған бақ тыныш, ораныпты ақ күміс
Қырау

Қыс болса құрып өрмегін, салды небір өрнегін
Қырау

Көлдің беті көк әйнек, сырғанауға, тым әйбәт!
Мұз

Қыс бойы біз коньки тепкенде, айдынның мөп мөлдір көгілдір. Тозбаған көрпесі көктемде бір күнде - ақ бой - бой боп сөгілді.
Мұз

Суда қалқиды, жылыда балқиды.
Мұз

Қыста шыны боп қатады, жылыда су боп жатады
Мұз

Суға батпайды, отқа жанбайды
Мұз

Судан жаралады, суда жоғалады.
Мұз

Аспанды от қамшы осады, ащы үнін ышқынып қосады.
Найзағай

Дүрліктіріп қырқаны, шақпақ тастың жарқылы бұлт көрпесін жыртады
Найзағай

Айдаһар аузын ашса, арс етеді, гауһары жерге түссе, жарқ етеді
Найзағай

Күн көзінен құйылады, жер бетіне жиылады. Құшақ ашып барша тірлік, куанады, сыйынады
Нұр

Туған жердің белбеуі, шұбатылып қалыпты. Керемет - ау кернеуі, тасты тесіп, жарыпты
Өзен

Дедектейді зырлайды, артқа мойын бұрмайды
Өзен

Алдымда тұрды ақ түбіт, бірақ ұстай алмадым, жүгіріп барып аптығып.
Сағым

Қызыл құмда көл жатыр, шымылдықтай шайқалып. Бұдан аумас ол тақыр, көлбейді тек жайқалып, ұстай алмас қол батыр, желмен кетер найқалып
Сағым

Қия шыңнан құлайды, тасты бұзып арыны. Ақ жалданып тулайды, құлақ жарар сарыны
Сарқырама

Терезеден есіледі, қараңғыны көшіреді
Сәуле

Деп - демде шытынап шынысы төменге ағылды
Сел

Еш тесікке тұрмайды, ол жоқта жер құрғайды
Су

Аяғы жоқ, қолы жоқ, бірақ тыныш тұрмайды. Сақтамасаң – қорын тек, барша тірлік қурайды
Су

Аспан түстес сұйық, әркім ішер құйып
Су

Қара атым қалтырауық, қабырғасы жалтырауық.
Су

Жылт - жылт еткен, жырадан өткен
Су

Жиегіне шатырдың судан шеге қатырдым
Сүңгі

Күннің көзі түйілді, көкте бұлт үйірілді. Сұйық моншақ шашылып, жерге нәр боп құйылды
Тамшы

Мұрны жоқ шымшық мұз тесер
Тамшы

Өркешіне мұз артқан, шудасынан су аққан. Мынау неткен қара нар, күншіліктен мұнартқан?
Тау

Көтеріп орман, тоғай, тастың бәрін, жапанда шөгіп жатыр үлкен нарың
Тау

Көрсең оның ағысын, таңғалтар таудың тағысын. Бұрқап жатқан көк тасқын, үстінен ырғыр жартастың, ырық бермес үйірген толқыны асау шүйілген
Тау өзені

Өртесең де ерімейді, не тот басып шірімейді, өн бойына су сіңбейді, ылғал тартып, ірімейді
Тас

Бұйра жасап сан қилы, сұйық жазық шалқиды
Теңіз

Сұрғылт түтін, бүркесе маңайды, адастырар талайды
Тұман

Аспан түйді қабағын, сұр пердесін керді де, жапты жердің танабын
Тұман

Күзде шығыстан, қыста төбеден, көктемде батыстан көрінетін. Шілдеде күн қасында боп, түнде жоғалатын не?
Үркер

Дұрыстап аңғарсаң, көктегі бағдаршам
Үркер

Мөлдір көкте бір ғана, шоқтай жайнап тұр дара
Шолпан

Қурап тұрған кеңістік, күн күйдірер маңдайды. Аптабы бар ең ыстық, кебірсітер таңдайды
Шөл

Мөлдіреген жүзімді, ұстап едім, езілді
Шық

Күн мен түннің кіндігін, жер шарының ендігін. Қақ бөліп тұр тепе - тең, жұмыр жердің белдігі
Экватор
Дереккөзі: zagadki.kz
Материал рейтингісі:
барлық дауыс бергендер: 2
Басқа жаңалықтарды оқу:
Пікір білдіру
* = міндетті түрде толтырылуы тиіс
Жартылай қою Қисық мәтін Асты сызылған мәтін Сызылған мәтін | Сол жағына қою Ортасына Оң жағына қою | Смайликтер қою Түсті таңдау | Жасырын мәтін Үзінді қою Таңдалған мәтінді транслитерациядан кирилицаға ауыстыру Спойлер қою
Қауіпсіздік коды :

Қауіпсіздік кодын көрсету үшін осы суретті қосыңыз
код көрінбесе қайта басыңыз


Үздік мақалалар
Білімділер жаңалықтары
  • Тазалық – денсаулық кепілі

    Денсаулықтың адам өмір сүруі үшін аса қажеттілігін, оны сақтай білудің адам өміріндегі маңызы, микробтардың ағза қауіптілігін, кір қолдың қандай ауруларға ұшыратынын, жұқпалы аурулардан сақтану ...
  • Балалық шаққа саяхат

    Адамның санасында мәңгілік өшпестей естелік қалдыратын, ең керемет, ең ғажап ұмытылмастай сәттер сыйлайтын ол – балалық шағымыз. Балалық шақ – бір рет ғана келетін, қайта оралмайтын, сағына еске ...
  • Ж. Әлмашев Қауын мен Қарбыз

    Өсімдіктердің тіршілігіне қызығушылық таныта отырып, Жер - Ана адамзатқа сай еткен байлықтарын бағалауды үйренеді.
  • Қауын мен қарбыз

    Ертегіде кездесетін оралымды сөз мағынасын ұғындыру арқылы ойлау қабілетін, байқағыштығын жетілдіру, сабаққа қызығушылығын арттыру. Жер - ананың адамзатқа сый еткен байлықтарын бағалауға, достыққа, ...
  • Егіншілік пен мал шаруашылығы

    Қазақстан ауыл шаруашылығының басты салалары - егіншілік пен мал шаруашылығы туралы түсіндіру.
  • Тазалық – денсаулық кепілі

    Жеке бас гигиенасына арналған құралдардың суреттері, жеке бас гигиенасы ережелері жазылған плакаттар, сұрақтар жазылған үлестірме парақшалар, жұмбақтар туралы материалдар.
  • Мөде шаньюй – Ғұн мемлекетінің негізін салушы

    Мөде құрған державаға тән ерекшеліктерді анықтау; Ғұндардың әскери өнер жетістіктерін сипаттау; Ғұн мемлекетінің көрші елдермен қарым - қатынасын анықтау, картаға белгілеу.
  • Бақыттың кілті – балалық шақта

    Бала жүрегі кішкентай күйсандық. Ол сандықтың кілтін тапсаң ғана ашылады. Ал білім мен тәрбие беретін адамның қолында әр кезде сол кілт жүруі керек. Балаға жан – жақты тәрбие беру біздің парызымыз.
  • Ғұн тайпаларының бірігуі

    Ежелгі мемлекеттік бірлестіктердің құрылуын түсіндіру
  • Солтүстік Еуропа елдері

    Оқушыларды Солтүстік және Батыс Еуропа елдерімен таныстыра отырып, олардың ерекшеліктері мен маңызына тоқталу.

Өз пікіріңді білдір
Қандай мақалаларды көбірек енгізген жөн?
Сайтта кім бар
Барлығы: 21
Қолданушылар: 0
Қонақтар: 21
Роботтар: 2
Соңғы пікірлер
  • Дауыл 13.10.2018
    Жұмбақтар. Адам. Адамның дене ... (1)
    Дауыл-фото
    Мың адамның бірі — қыдыр, бірі — бақ.
  • Дауыл 13.10.2018
    Адамға деген құрмет (1)
    Дауыл-фото
    Арсыз, әуелі аяғыңды басады, содан соң кеудеңе секіреді ақырында басыңа шығады.
  • Дауыл 13.10.2018
    Адамның 9 түрі болады екен. Та ... (1)
    Дауыл-фото
    Әлемнің асылы – адам, сасығы да – адам.
  • Дауыл 12.10.2018
    Шыңғыс хан өсиеттері (1)
    Дауыл-фото
    Шыңғыс ханның жеке өмірі және әйелдері.
    Шыңғыс хан әлем тарихындағы танымал тұлға. Хан болған соң оның 26 әйелі және жүздеген тоқалы болған.
    4 әйелі оның негізгі әйелі болып саналған. Бөрте, Қулаан, Есуй және Есурген.
    Борте Дэй - Сеченнің қызы қоңырат тайпасынан. Шыңғыс ханнан 2 - 3 жасқа үлкен болған. Бөртеден үш ұл Жошы - Шағатай - Үгедей бес қызы Фуджин - бегі, Чичиган, Алагай - бегі, Тумалун және Алталун.
    Қулаан меркіт тайпасынан шыққан, тарихта сулу әрі тапқыр Шыңғыс ханның шынайы сүйген әйелі деп саналады. Хорезмді жаулап алғанда әйелдері ішінде Шыңғыс ханмен осы Қулаан болған.
    Есуй және Есугей, Татарлардың Цэрэн - әке атты қолбасшының қыздары. татардың тайпасынан шыққан апалы - сіңілілер.
    Толық нұсқа: қарау
  • Дауыл 12.10.2018
    Өмір туралы қанатты сөздер (1)
    Дауыл-фото
    Өмір – велосипед жүргізгендей. Тепе - теңдік сақтау үшін қозғалуың керек. Альберт Эйнштейн
  • Дауыл 11.10.2018
    Өлкем жайлы ойласам - Жұбан Мо ... (1)
    Дауыл-фото
    Шығарма: Туған жер

    Туған жер сөзінде қаншама мағына, қаншама ой жатыр. Туған жердің қадірін әр адам әрқалай түсінетін шығар. Менің туған жерім - Балқаш қаласы. Туып өскен қалам Балқашым кішкетай болса да, мен үшін аса қымбат әрі киелі жер. Осы жерде көңілді де уайымсыз да бейкүнә балалық шағым өтуде. Өз туған жерімді сүйемін. Осы қалада балабақшадағы күндерім, мектеп табалдырығын алғаш аттаған күнім, сынып балаларымен танысқан күндерім, әлі есімде.
    Туған жерім күннен күнге көркейіп, жаңаруда. Мен Балқаш қаласымен мақтанамын.
    Кенесары Диана
  • Дауыл 11.10.2018
    Ақша туралы мақал - мәтелдер (1)
    Дауыл-фото
    Қожанасыр туралы аңыз
    Бірде Қожа байдан ақша сұрапты.
    - Ақша саған не үшін керек?
    - Піл сатып аламын.
    - Егер сенің ақшаң болмаса, пілге қалай азық тауып бермексің?
    - Мен сенен ақыл емес, ақша сұрадым ғой!
  • Дауыл 11.10.2018
    Балалы үй – базар (1)
    Дауыл-фото
    Балаларға арналған тақпақтар
    Кішкентай бала

    Мен кішкентай баламын
    Кітап оқи аламын.
    Дәптер, қалам, сызғышты
    Сөмкеме өзім саламын.

    Бөпешім
    Әлди, әлди бөпешім,
    Жат бесікте көкешім.
    Неге жылай бересің,
    Ертең-ақ жүріп кетесің.

    Гүлдер
    Гүлім, гүлім, өсе бер,
    Әдемі боп, асыл боп.
    Күндей жайнап кете бер,
    Қызыл, сары, жасыл боп.
  • Дауыл 11.10.2018
    Тіл туралы жыр - Сәкен Иманасо ... (1)
    Дауыл-фото
    Тілі туралы мақал

    Басқа пәле тілден.
    ***
    Тіл тас жарады,
    Тас жармаса бас жарады.
    ***
    Ине көзінен сынады,
    Шешен сөзінен сынады.
    ***
    Тіл – қылыштан да өткір.
    ***
    Ана сүті бой өсіреді,
    Ана тілі ой өсіреді.
    ***
    Ана тілің алпыс тілге татиды.
  • Дауыл 11.10.2018
    Ұстаздың кәсіби іс - әрекетінд ... (1)
    Дауыл-фото
    Ұстаз туралы мақал

    Өмірдің өзі - ұлы ұстаз
    ***
    Ұстазы жақсының ұстамы жақсы.
    ***
    Ұстазыңды ұлы әкеңдей сыйла.
    ***
    Ұстазы талантты болса, Шәкірті талапты болады.
    ***
    Ұстаз шәкіртіне білім жолын үйретеді,
    Білімді жан тас қамалды күйретеді.
    ***
    Ұстаз болу – жүректің асылдығы.
Ілмек сөздер
Сайт статистикасы
Яндекс.Метрика