Тырнақ алудың тәсілі мен күні

Тырнақ алудың тәсілі мен күні
«Кім тырнақтарын жұма күні алып, қысқартса Алла Тағала оны келесі жұмаға дейін және үш күн артығымен бәлелерден қорғайды».
«Кім тырнақтарын жұма күні алса, сол күннің ұқсасына дейін (келесі жұмаға дейін) қорғанған болады».
Тағы бір хадис шәріпте былай делінген: «Кім кедейліктен, көз ауруынан, алапес ауруынан және жындылықтан аман болғысы келсе бейсенбі күні екінтіден кейін тырнақтарын алсын».
Хз. Имам Науауй былай дейді: «Тырнақ алуда мүстәхап болған аяқтардан бұрын қолдардың тырнағын алуға бастау. Тырнақ алынып жатқанда бірінші оң қолдың сұқ саусағынан бастайды. Сосын ортаңғы саусақ, сосын жүзік саусағы, одан кейін кішкентай саусақ, соңында басбармаққа барады. Сосын сол қолға өтеді. Ол кезде бірінші кішкентай саусақтан бастайды. Сосын жүзік саусағы және қалғандары (орта саусақ, сұқ саусақ, басбармақ) алынады. Сосын аяқтарға өтеді. Оң аяқтың кішкентай саусағынан бастайды. Сол аяқтың кішкентай саусағынан бітеді. Имам Ғазали «Ислам ілімдерін жаңғырту атты кітабында да осылай дейді.
«Буындарды жақсылап тазалау керек. Тырнақ буындары саусақтардың үстіңгі жағындағы бөлім. Кірдің ішіне жиналатын жері. Бұл жерлерде кір қалмасын деп тазалық әмір етілген. Өйткені, бұл буындарда кір қалса ғұсыл дәрет қабыл болмауы мүмкін. Бұл кірлер су арқылы терінің арасына өтеді. Қуртуби тәпсірінде де осылай делінген.
Мүжәһидтен жеткен хабарда былай делінген: Бір күні Жәбірәйілдің (а. с.) келуі баяулады. Пайғамбарымыз (с. а. с.) сұрады: «Сені маған келуден шегіндірген не нәрсе?» Жәбірәйіл (а. с.): «Мен сізге қалай келейін? Араларыңыздағы кейбірі тырнақтарын алмайды, мұрттарын қысқартпайды, саусақ буындарын жақсылап тазаламайды және тістерін мисуақтамайды» деді. Сосын мына аятты оқыды: «(Жәбірәйіл (а. с.) былай деді: Уа, Мұхаммед!) «Біз сенің Раббыңның әмірі болмаса түспейміз. Алдымыздағы және артымыздағы (барлық өткен және келешектегі нәрселер) және бұлардың арасындағылардың барлығы Оныкі. Раббың да (сені) ұмытқан емес». Исмайыл Хаққы Бурсеви, Рухул - Баян тәпсірі.