11.05.2016 6 191 0 Дауыл

Сүйген ерін

Өлеңдер

Мұқағали Мақатаев

Сүйгісі келе берер сүйген ерін,
Сүй, жаным!
Сүйкімді бір күйге енемін.
Жүрегіміз жақыннан бірге соқсын,
Ағытшы бешпетіңнің түймелерін?
Сүй, жаным!
Сүйе бергін, кім біледі...
Бір кезде еске аларсьң түнді, мені.
... Жалт етіп өте шыққан баяғыда,
Жастықтың талықсыған бір күні еді.
Ұялып, барады өтіп бұлақ - бала,
Бұйығып, үн қатпайды жылап қана.
Баланың маңдайынан сипалаған,
Дірілдеп айдан тамған шуақ қана.
Тау - аталар түкситіп қабақтарын,
- Ар аттадың,- дегендей,- қарақтарым.
Сүйген жүрек қалады есеңгіреп,
Есеңгіреп, білмеппіз таң атқанын.
Сүйген ерін сүйгісі келе берер,
О, жастық! Махаббат тап, көгере бер!
Сүйгемін жоқ, өлгемін - дер едім мен,
Сүйдің бе деп сұраса менен егер...

Мұқағали Мақатевтың өлеңдері 1
Мұқағали Мақатевтың өлеңдері 2

Оқи отырыңыз

Сүйген – сұлу

Сенің көзің көк те емес, қара да емес - қой көзді деп атайды мұндайларды. Ол көздердің оты да ғажап емес, бірақ маған сол жанар нұрдай мәңгі.

Пай, пай!

Пай, пай! Пай! Сағындым - ау, сағындым - ау! Талықсып, тар төсекке таңылдым - ау! Қапыда қалтылдаған жаным мынау, Жаратқан, нағылдым - ау, нағылдым -

Несіне өмір сүргенсің

«Сұраушының сүйген асын кім берер» Барға - ырза, Жоққа - сабыр, күн көрер. Өкінемін, өшігемін несіне, Тірі жүрсем, маған кезек бір келер.

Көңілде ән, көгімдегі Күн көруші ем

Көңілде ән, көгімдегі Күн көруші ем, Барғанда маған ылғи гүл беруші ең. Жалт етіп жай отындай көкжиектен Әттең - ай, маған енді бір көрінсең!

Жастық

Ойлайыншы, не берді жастық маған? Үйрет деп асау берді бастықпаған. Жастық маған от берді жалындат деп, Жастық маған оқ берді жауыңды ат деп.

Жалаң аяқ қыз

Төпеп тұрған нөсерге қарамай - ақ, Бір қыз кетіп барады жалаң аяқ. Жалтыраған әдемі топылиын, Кім біледі, жауыннан барады аяп.