ойын сауық отауы
Тағы да күз, тағы, міне, сары таңды ұзақ түн
13.05.2016 5 584 0 Дауыл

Тағы да күз, тағы, міне, сары таңды ұзақ түн

Өлеңдер
Мұқағали Мақатаев

Тағы да күз, тағы, міне, сары таңды ұзақ түн,
Уысында тағы да мен ұйқы дейтін тұзақтың,
Ой - хой, шіркін, тағы да бір күзді, міне, ұзаттым,
Өмірімнің есейгенін сезінемін күзде мен,
Алдағыма асығамын, өткенді әсте іздемен,
Ой - хой, шіркін, болашаққа құмармыз ғой біз деген.
Жүрші, жаным, қоңыр күзде серуендейік жырақта,
Қайтқан құстың әуенімен қоштасайық қыратта,
Күз өткенге кейімеймін, сағынамын бірақта.
Қайтып бара жатыр, әне, сағыныштар - тырналар,
Ақ қайыңдар, тал, теректер... алтын сары сырғалар,
Туған жердің кеудесінде тұнжырайды жылғалар.
Қайда кеткен жасыл алқап, жасыл орман, жасыл маң?
Қайда кеткен жақұт гүлдер паң далаға шашылған?
Қайда кеткен, қалай өткен, кімге барып бас ұрған?!
Қалай біздер қапелімде аңғара алмай қалғанбыз?!
Әттеген - ай, неткен аңқау, неткен аңқау жандармыз?
Келіп қапты - ау сағыныштай сап - сарала арман - күз...

Мұқағали Мақатевтың өлеңдері 1
Мұқағали Мақатевтың өлеңдері 2

Тілектеске Тілектеске
Ей, бауырым! Көтерсеңші, көтерсеңші басыңды. Алатаудың асқарына күннің нұры шашылды. Қыз - тіршілік, міне тағы мойыныңа асылды, Асылды да саусағымен
Сырқат сыры Сырқат сыры
Тағы, міне, таң да атты. - Сырқатыңыз салмақты... Ішкен шарап, жеген ет, Баурыңызды жалмапты.
Сағатым қайда, сағатым Сағатым қайда, сағатым
Қалған ба тағы таң атып?! Жайған ба жасыл қанатын?! ... Таусылмас менің тағатым Соқ, соқ, соқ, менің сағатым!
Сап - сары жапырақтар Сап - сары жапырақтар
Сап - сары жапырақтар... Сал - сары жапырақтар... Саудырап құлап жатыр атырапқа. Біреудің жанарында, Біреудің табанында, Сап - сары жапырақтар
Оспанхан Әубәкіровке Оспанхан Әубәкіровке
Жүр, досым, аяңдайық баққа қарай, Күн көзін тұман тағы қаптағаны - ай! Аяз Атаң тәттісін үлестіріп, Ащысын екеумізге сақтағаны - ай!
Майгүлге Майгүлге
Қалақтай едің, Қабірінде қалақ тұр. Туғаныңды, өлгеніңді санап құр. Сенің аңқау құлағыңдай қалқиып, Қыр басынан қала жаққа қарап тұр.
Пікірлер (0)
Пікір білдіру
Ақпарат
Қонақ,тобындағы қолданушылар пікірін білдіре алмайды.
×