Қырыққабаттан жасалған корей салаты

Қырыққабат (капуста) – 3 кг
Сәбіз – 700 гр
Сарымсақ – 2 - 3 бас
Су – 1 литр
Сұйық май – 250 мл
Тұз – 3 ас қасық
Шекер – 100 - 150 гр
Қызыл бұрыш – 1 ас қасық
Уксус 70 % - 3 ас қасық

Жасалуы
▪ Сәбізді корей салатына арналған теркадан өткіземіз, сарымсақты жұқалап дөңгелектеп тураймыз. Сарымсақ пен сәбізді араластырамыз.
▪ Қырыққабатты төртбұрыштап тураймыз.
▪ Үлкен ыдысқа сәбізден бір қатар салып, үстіне бір қатар қырыққабаттан саламыз, осылай түгел салып шығамыз.
▪ Суды отқа қоямыз қайнаған соң тұз, қызыл бұрыш, шекер, май, уксусты құйып дайын болған тұздықты қырыққабаттың үстіне құямыз.
▪ Үстінен ауыр затпен бастырып 12 сағатқа қалдырамыз. Дайын болған салатты тоңазытқышта сақтауға болады.