Бәйге бөлімі


Жұмбақ математика

Үздік ұстаз бәйгесіне
Жұмбақ математика
Білім беру саласы: «Таным».
Бөлімі: Қарапайым математикалық түсініктерді қалыптастыру.
Мақсаты: 1 - ден 5 - ке дейін тура және кері санау, геометриялық пішіндерді ажырату; жұмбақ құрастыру, логикалық тапсырмаларды орындау арқылы балалардың тілін, ой – өрісін, ойлау қабілетін дамыту. Ұйымшылдыққа, топпен жұмыс істеуге, тапқырлыққа, ізденімпаздыққа тәрбиелеу.
Көрнекілік: сандар, пішіндер, суреттер, асықтар, екі түрлі сандық, дидактикалық ойынға қажетті пішіндер, сыртында 5 - ке дейінгі сандар жазылған «вагондар», үлестірмелі материалдар
Билингвалдық сөздік: сандар - цифры, пішіндер - фигуры
Белсенді стратегиялар: топтық жұмыс, «миға шабуыл» әдісі, «жұмбақ құрастыру» әдісі.

Мотивациялық - қозғаушылық
Шаттық шеңбері
Кіп - кішкентай баламыз
Өсіп - өніп толамыз
Күнге қарай талпынып
Көкке қанат қағамыз
Әлемдегі бар адамға
Тек жақсылық тілейміз

Сәлеметсіздер ме, апайлар!
Сәлем, достар дейміз.
Шеңберде тұрған балаларға дөңгелектің, төртбұрыштың, суреттерін тарату және дөңгелекті алғандар бір үстелге, төртбұрышты алғандар бір үстелге бөлініп отырады.
1 - топ «дөңгелектер» тобы, 2 - топ «төртбұрыштар» тобы болады

Ұйымдастырушылық - ізденістік

Балалар, біз бүгін сендермен 1 - ден 5 - ке дейін тура және кері санауды, геометриялық пішіндерді ажыратуды, жұмбақтар құрастырып, оны шешуді үйренуді жалғастырамыз. Ол үшін ұлттық «Ханталапай» ойыны арқылы интеллектуалды жарыс ұйымдастырайық.
Ойын шарты: ойын барысында берілген тапсырмаларға дұрыс жауап берген топ қоржынына асық салып отырады. Ойын соңында қай топ көп асық жинаса, сол топ жеңімпаз болады.
Алғашқы жарысты бастайтын топты анықтау үшін екі топтан бір баладан шығуы тиіс.
Тапсырма: «Ханталапай».

Талапай - ау, талапай,
Табылды ойын, алақай!
Асықты алға шашамыз,
Талапайға басамыз
Шарты: шашылған асықты кім көп жинаса, сол топ жарысты бастайды.
Екі топтан бір баладан шығып «Ханталапайға» қатысады

1 - Тапсырма:
1 - ден 5 - ке дейін тура және кері санау
( қазақша, орысша, ағылшынша)

2 - Тапсырма:
«Сан қатары»
2 топтан бір - бір бала тақтаға шығады, «адасқан вагондарды» ретімен орналастырады
1.... 2..... 3..... 4..... 5
5.... 4..... 3..... 2..... 1

3 — тапсырма:
«Суреттегі заттарды сандармен сәйкестендір»
(үлестірмелі материалмен жұмыс)
Мысалы: 3 санының жанына 3 мысық бейнеленген суретті қою керек, т. с. с.
Тапсырманы дұрыс орындаған балалар өздерінің сандықтарындағы асық санын көбейтеді.

4 - Тапсырма - Логикалық сұрақтар.
(Әр дұрыс жауап үшін бір асықтан беріледі)

1. Апасы Сезімге дүкеннен төртбұрышты үш доп әкелді. Сезім біреуін Аянатқа берді, біреуін Мерейге берді. Сезімде неше доп қалды?
(төртбұрыш доп болмайды)

2. Балабақша ауласында өсіп тұрған қайың ағашында 2 алма бар екен. Бір алманы торғай жеді, біреуін қарға жеді. Қайыңда неше алма қалды?
(қайыңда алма өспейді)

3. Аспанда неше жұлдыз бар?
(аспанда көп жұлдыз бар)
4. Бір қоянның құлағы нешеу?
(бір қоянда екі құлақ болады)

5. Екі аюда неше бас бар? (екі бас бар)

Сергіту сәті:
Аяқтарды топылдат,
Алақанды сартылдат,
Оңға да, солға да
Бұрыламыз, оңай - ақ

Басымызды шайқаймыз,
Қолымызды бұлғаймыз.
Оңға да, солға да
Бұрыламыз, оңай - ақ,

Секіреміз биікке,
бәрімізге көңілді
Оңға да, солға да
Бұрыламыз, оңай - ақ

Дидактикалық ойын: «Сандарға үй жасаймыз".
(әр балаға ішінде геометриялық пішіндер бар конверт беріледі)
Шарты: берілген пішіндерден құрастырып үй жасап шығу. Қай топ бірінші құрастырса, сол топқа бір асық беріледі.

5 - тапсырма - Жұмбақ құрастыру -
Шарты: балалар өз ойларынан бөлмедегі бір затты геометриялық пішінге ұқсатып жұмбақ жасырады.
Мысалы: өзі тік төртбұрыш, барлық үйлерде болады, біз оны ашамыз, жабамыз, құлып салып қойсақ ешкім үйге кіре алмайды –( есік) т. с. с.
Әр дұрыс құрастырылған жұмбаққа бір асықтан беріледі

6 - тапсырма - Санамақ айту
Шарты: екі топтан бір баладан шығып санамақ айтады.
Әр санамаққа бір асықтан беріледі.
М: Бір дегенім - білім,
Білім жарық күнің.
Екі дегенім - еңбек,
Еңбек бәрін жеңбек.
Үш дегенім – үміт,
Үміт артар жігіт.
Төрт дегенім – төзім,
Төзе білем өзім.
Бес дегенім – бесік,
Шықтық содан өсіп

Қортынды - рефлексиялық

- Балалар, бүгін біз не үйрендік?
(1 - ден 5 - ке дейін тура және кері санауды, геометриялық пішіндерді қайталадық.)
- Қандай ойын ойнадық?
(«Ханталапай» ойынын ойнадық)

Екі топтың қоржынындағы асықтарды санап жеңімпазды анықтау, қошемет көрсету, мадақтау.

Күтілетін нәтиже:
Білуі керек: 1 - ден 5 - ке дейінгі сандарды тура және кері санай білуді,
геометриялық пішіндерді ажыратуды
Нені игерді: жұмбақ құрастыруды, логикалық сұрақтарға жауап беруді
Нені білді: «Ханталапай» ойынын, топпен жұмыс істеуді, ұйымшыл болу керектігін.

Шығыс Қазақстан облысы, Катонқарағай ауданы
Солоновка ауылы, «Балауса» балабақшасының тәрбиешісі
Захарьянова Гульбаршын Какановна

Назар аударыңыз! Жасырын мәтінді көру үшін сізге сайтқа тіркелу қажет.
Материал рейтингісі:
барлық дауыс бергендер: 0
Басқа жаңалықтарды оқу:
Пікір білдіру
* = міндетті түрде толтырылуы тиіс
  • winkwinkedsmileam
    belayfeelfellowlaughing
    lollovenorecourse
    requestsadtonguewassat
    cryingwhatbullyangry
Қауіпсіздік коды :

код көрінбесе қайта басыңыз

Үздік мақалалар
Білімділер жаңалықтары
  • «Ж», «Ш» дыбыстары. Су торғайы (М. Зверевтің әңгімесі)

    Әңгімені оқып, сұраққа жауап беруге үйрету, шығармашылығын, дыбыстарды дұрыс айта білуін дамыту, құстарға қамқорлық жасау мен қорғауға тәрбиелеу
  • Табиғат және адам

    Табиғат пен адамның үйлесімділігі туралы білімдерін кеңейту; Табиғатқа деген қамқор қарым - қатынас дағдыларын дамыту;
  • Масленица

    Познакомить с русским народным праздником, дать представление о значении и традициях празднования встречи весны. развивать зрительное и слуховое внимание, ловкость и быстроту, развивать навыки ...
  • Өзге тілдің бәрін біл, Өз тіліңді құрметте! (педагогтармен жұмыс)

    Қазақ тілі - саялаған нұр бағым, Қазақ тілім - анам тілі ардағым. Сен арқылы жетіп жатыр өмірге, Жан сырларым, тілегім, бар арманым,- дей отырып бүгінгі «Өзге тілдің бәрін біл, өз тіліңді құрметте» ...
  • Витамины круглый год (закрепление)

    Уточнить представления детей о роли витаминов в жизни человека. Закрепить лексические единицы по темам «фрукты и овощи». Упражнять цвета, закрепить пройденные темы. Развивать навыки понимать простые ...
  • Қош бол, балабақша!

    Қош бол, балабақша! ертеңгілігі. Бүгін бізде мереке. Бүгінгі күн ерекше, Сүйкімді ұл - қыздармен Қоштасатын күн, міне Кереметтей қошеметпен Ортамызда жарқырасын! Қане, достар бастайықшы Балымызды ...
  • Қыстағы шуақты күн

    Қысқы табиғат ерекшеліктерін, әсемдігін сезініп, оны бейнелей білуге үйрету. Балаларды сурет жанрымен «Пейзаж» таныстыру. Суретшінің еңбегі туралы түсініктерін кеңейту. Балалар бойында байқағыштық, ...
  • Құс ауласында

    Қағазбен және қайшымен жұмыс істеу дағдысын бекіту, тікбұрышты екі бөлікке бөлу, бұрыштарды кесу, сюжетке лайық бөлшектерді, пішіндерді мұқият жапсыру. Балалардың шығармашылық қабілеттерін анықтау, ...
  • Дені саудың - жаны сау

    Балаларды ойындар арқылы ақыл-ойының толысып өсуіне ықпал жасау, бір-біріне көмектесуге, достық қарым-қатынастарын дамыту
  • Алға домалауды үйрету. Нысананы дәлдеуді үйрету

    Салауатты өмір салтын қалыптастыру және балалардың денсаулығын нығайту. Балалардың денсаулығын нығайтуға арналған хатка - йога элементтерін қолдану арқылы балалардың бойын түзеп жүруін, икемділігін, ...

Өз пікіріңді білдір
Қандай конкурстар ұйымдастырған дұрыс
Сайтта кім бар
Барлығы: 5
Қолданушылар: 0
Қонақтар: 5
Роботтар: 0
Соңғы пікірлер
Ілмек сөздер
Сайт статистикасы
Яндекс.Метрика