ойын сауық отауы
Кітап үзіндісі: Өмір — талас, кім күшті — сол жеңеді деген міне осы!
27.02.2022 833 0 Admin

Кітап үзіндісі: Өмір — талас, кім күшті — сол жеңеді деген міне осы!

Әңгімелер
Кітап үзіндісі
Кітап жолдарына көз жүгіртіп отырған уақытта ойыңызға не келеді? Қандай жолдар жүрегіңізге жол таба алды? Сөздің сиқыры санаңызды жаулады ма? Осынау серияда сондай үзінділер беріледі.
Әлқисса...
Құдай жаратқан тіршілікте шешімі жоқ ештеңе болмайды деп ойлайтын бұрын. Асқанға — тосқан, қылмысқа — жаза, сабырға — мұрат, еңбекке — зейнет, таршылыққа — баршылық, әйтеуір, бар азаптың ақыры қайыр — кез келген жазмыштың соңында жауабы болмақ. Түннен кейін күннің шығатыны секілді, жаңбыр мен бораннан кейін күннің қалай да ашылатыны секілді, алла тағала адамның да тіршілігін алмағайып етіп жаратқан ғой. Сондықтан жақсылық та, жамандық та зая кетуге тиісті емес. Тек бәріне сабыр керек. Шығырдың тегерішіндей әр нәрсе ертең – ақ, алла бұйыртса, өзінің орын – орнына түседі.
Төлен Әбдік "Өліара"
Өмір — талас, кім күшті — сол жеңеді деген міне осы! Адам баласының таласы бетпақ дүниеде алма - кезек түсіп осылай өтіп жатады. Еш уақытта да бітпейді, бітуге тиіс емес.
Ілияс Есенберлин "Алтын Орда"
Қаттаулы тұр жазып сызып болғаным, 
Тілге тиек бір елуге толғаным. 
Екінші елу сыя қоймас ақылға, 
Ерте қамдау керек шығар жол қамын.. 
Қадір Мырза Әли «Мәңгі майдан»
Біздің кей жігіттеріміздің арқаға артатын жүкті алдыға салатын әдеті бар. Иілгіштігі де, именшектігі де содан.
Исраил Сапарбай "Бір тамшы көздің жасындай"
Көңілің кір болса, көзіңнің мөлдірегенін қайтейін.
Орынша Қарабалина "Ұстаз бақыты"
Мына өмірде әр дүниенің басы мен аяғы бар екендігі туралы ойланып па едіңіз? Бұл ақиқатты бәріміз білетін секілдіміз, бірақ оны бойлай зерттеп, түсінуге тырыспағандықтан, ол жүрекке жетпей жатады.
Иә, бұл өмірде бәрі өткінші. Бәрі қас - қағым. 365 күн, 24 сағат бойы тек қана жарқырап тұрған күнді, керемет ауа - райын, ашық көк аспанды ғана көрмейміз ғой. Арасында жел тұрады, дауыл соғады, жаңбыр жауады, сосын кемпірқосақ көрінеді, қайтадан аппақ қар жауады. Табиғаттың төрт мезгілі ауысады. Біздің өміріміз де тура сондай. Тек қана жарқыраған күнді көргісі келген адам тамшылап жауған жаңбырдан рахат алмайды. Күшті соққан желге қарсы тұруға тырыспайды. Ол бар қуатын күнді аңсауға ғана жұмсайды. Ал олай болуы мүмкін емес. Сосын сол адам, «Менің жолым болмады» деп, тастүйін болады. Шын мәнінде, жел де, дауыл да, жаңбыр да - бәрі өткінші. Қарым - қатынаста да дәл сондай. 24/7 махаббатқа мас болып, сүйіп - күйіп өмір сүргілері келеді. Бұл мүмкін емес. Кез - келген жағдайда ақыл - ойға жүгінуге тырысыңыз. Өміріміздегі кез - келген жағдай - болуы мүмкін нәрселердің ішіндегі қайырлысы.
Мәрзия Бекайдар "Қисық қабырға"

Бегімхан КЕРІМХАНҰЛЫ
М. Әуезов атындағы ЖОББ мектебінің қазақ тілі мен әдебиеті мұғалімі
Павлодар қаласы
Қазақстан Журналистер Одағының мүшесі

Кітап үзіндісі: Ұрылардың ең зияндысы - уақытымызды ұрлаушылар Кітап үзіндісі: Ұрылардың ең зияндысы -
Ұрылардың ең зияндысы - уақытымызды ұрлаушылар. Себебі ұрының ұрлаған әрбір затын қайтаруға мүмкіндік бар, алайда уақытты ұрлаушылардың ұрлағанын
Кітап үзіндісі: Бақыт деген бұл əлемде, шынында да, бар екен! Кітап үзіндісі: Бақыт деген бұл əлемде, шынында
Қызық, оқып жүргенде, курстастарым тағдырдың тауқыметін тартқандар ғана ақын немесе жазушы болады деп, қызыл - кеңірдек боп айтысып жататын.
Кітап үзіндісі: Күн ашықта мойнымда, күн жауғанда қойнымда Кітап үзіндісі: Күн ашықта мойнымда, күн жауғанда
Қазақтың сыры осы. «Күн ашықта мойнымда, күн жауғанда қойнымда» деген қазақ безбеннің басындай ауытқиды. Я достасуға, я қостасуға жарамайтын – осы
Кітап үзіндісі: Сұлудың айыбы – ажары, данышпанның кінәсі – ақылы, жүйріктің басына біткен бәлесі – шабысы Кітап үзіндісі: Сұлудың айыбы – ажары,
Қашан да елден асқан артықшылық жан иесіне жақсылық әкелмеген ғой. Сұлудың айыбы – ажары, данышпанның кінәсі – ақылы, жүйріктің басына біткен бәлесі
Кітап үзіндісі: Теңіз терең емес, адамның жаны терең. Кітап үзіндісі: Теңіз терең емес, адамның жаны
Теңіз терең емес, адамның жаны терең. Су түбінде жатқан зат жел толқытса ғана шықпақ. Ой түбінде жатқан сыр шер толқытса да шықпақ емес. Шықса, шер
Кітап үзіндісі: Адамзат бақытты болу үшін Кітап үзіндісі: Адамзат бақытты болу үшін
Адамзат бақытты болу үшін, ең алдымен, өзінің кім екенін анық білуі керек. Яғни өзінің әулие емес, күнәһар пенде екенін мойындауы керек. Оны
Пікірлер (0)
Пікір білдіру
Ақпарат
Қонақ,тобындағы қолданушылар пікірін білдіре алмайды.
×