Кітап үзіндісі: Күн ашықта мойнымда, күн жауғанда қойнымда

Кітап үзіндісі: Күн ашықта мойнымда, күн жауғанда қойнымда
Кітап жолдарына көз жүгіртіп отырған уақытта ойыңызға не келеді? Қандай жолдар жүрегіңізге жол таба алды? Сөздің сиқыры санаңызды жаулады ма? Осынау серияда сондай үзінділер беріледі.
Әлқисса...
Қазақтың сыры осы. «Күн ашықта мойнымда, күн жауғанда қойнымда» деген қазақ безбеннің басындай ауытқиды. Я достасуға, я қостасуға жарамайтын – осы Сеңгірбайлар. Бұлардың ерлігі – ет пен терінің арасындағы желік.
 Тәкен Әлімқұлов шығармалар жинағы 8 - том
Шайға отырған соң, Шеген маған тағы үш түрлі өсиет айтты...
— Алтын жатса — алмаймыз! Бір ме?
— Бір
— Өтірік aйтпаймыз Екі ме?
— Екі
— Алдау үшін өтірік айтсаң, кешіреді екен деме, алданбау үшін өтірік айтсаң, іркілме! — деп, бір тоқтағанда мен:
— Үш, деп қалдым.
— Жоқ, үш емес, әлі екеу - ақ, — деді Шеген. — Үшіншім үш күннің ішінде бізбен бірге қуанып, бізбен бірге мұңаятын боласың. Өз бетіңмен оңаша қуанып, оңаша мұңаятын болсаң сен бізге жолдас та емессін. Қуана біліп, мұңая білмесең тіпті жақсы. Осымен үш болады! — деді.
— Үш! — дедім ризалығымды білдіріп...
— Уәде ғой?
— Уәде!
 Ғабит Мүсірепов "Қазақ солдаты"
Қызық жағдай... Адам баласы сенімін жоғалтып, амалы таусылғанда үміт пен сенімнің болмашы шырағы жылт етсе де көңіл - күй шіркін алай - дүлей болып сала береді екен.
 Айн Рэнд "Менің сатып алған күйеуім"
Жоқ, мен биіктікті сүйемін, — деді Аяужан кенет қабағын шытып,
- әсіресе, АДАМГЕРШІЛІК биіктігін.
 Ілияс Есенберлин "Ғашықтар"

Бегімхан КЕРІМХАНҰЛЫ
М. Әуезов атындағы ЖОББ мектебінің қазақ тілі мен әдебиеті мұғалімі
Павлодар қаласы
Қазақстан Журналистер Одағының мүшесі