ойын сауық отауы
Өлең – сөздің патшасы, сөз сарасы
26.12.2015 11 175 0 Жайна

Өлең – сөздің патшасы, сөз сарасы

Өлеңдер
Өлең – сөздің патшасы, сөз сарасы
Өлең – сөздің патшасы, сөз сарасы
Қиыннан қиыстырар ер данасы.
Тілге жеңіл, жүрекке жылы тиіп,
Теп - тегіс жұмыр келсін айналасы.

Бөтен сөзбен былғанса сөз арасы,
Ол – ақынның білімсіз бишарасы.
Айтушы мен тыңдаушы көбі – надан.
Бұл жұрттың сөз танымас бір парасы.

Әуелі аят, хадис – сөзді басы,
Қосарлы бәйітсымал келді арасы,
Қисынымен қызықты болмаса сөз,
Неге айтсын пайғамбар мен оны алласы.

Мешіттің құтпа оқыған ғұламасы,
Мүнәжат уалилердің зар наласы
Бір сөзін бір сөзіне қиыстырар,
Әрбірі келгенінше өз шамасы

Өлеңге әркімнің - ақ бар таласы,
Сонда да солардың бар таңдамасы.
Іші алтын, сырты күміс сөз жақсысын
Қазақтың келістірер қай баласы?

Бұрынғы ескі биді тұрсам барлап,
Мақалдап айтады екен, сөз қосарлап.
Ақындары ақылсыз, надан келіп,
Көр - жерді өлең қыпты жоқтан қармап.

Қобыз бен домбыра алып топта сарнап,
Мақтау өлең айтыпты әркімге арнап.
Әр елден өлеңменен қайыр тілеп,
Кетірген сөз қадірін жұртты шарлап.

Мал үшін тілін безеп, жанын жалдап,
Мал сұрап біреуді алдап, біреуді арбап,
Жал елде қайыршылық қылып жүріп,
Өз елін бай деп мақтап құдай қарғап.

Қайда бай мақтаншаққа барған таңдап,
Жиса да, бай болмапты, қанша малды ап.
Қазаққа өлең деген бір қадірсіз,
Былжырақ көрінеді соларды аңдап.

Ескі бише отырман бос мақалдап,
Ескі ақынша мал үшін тұрман зарлап.
Сөз түзелді, тыңдаушы, сен де түзел,
Сендерге де келейін енді аяңдап.

Батырды айтсам ел шауып алған талап,
Қызды айтсам, қызықты айтсам қыздырмалап,
Әншейін күн өткізбек әңгімеге
Тыңдап едің әр сөзін мыңға балап.

Ақыл сөзге ынтасыз, жұрт шабандап,
Көнгенім - ақ соған деп жүр табандап.
Кісімсінген, жеп кетер білімсіз көп,
Жіберсем, өкпелеме көп жамандап.

Амалдап қарағайды талға жалғап,
Әркім жүр алап жердің ебін қамдап.
Мақтан қуған мал құмар нені ұға аласың,
Шықпаса мыңнан біреу талғап - талғап.

Мал жиып арамдықпен ұрлап - қарлап,
Қусын десе, қуанып жүр алшаңдап.
Қақса - соқса бір пайда түсе пе деп.
Елдің байын еліртіп «жау мұндалап».

Ынсап - ұят, ар - намыс, сабыр, талап.
Бұларды керек қылмас ешкім қалап.
Терең ой, терең ғылым іздемейді
Өтірік пен өсекті жүндей сабап.

Сарыбай бидің Жамбылға берген батасы Сарыбай бидің Жамбылға берген батасы
Ау, Жамбыл, бата сұрап келіп қапсың, Қобыз тастап, қолыңа домбыра апсың Өлеңіңнің арасынан қыл өтпесін, Алдыңнан інжу - маржан өзен ақсын.
Бұл ән бұрынғы әннен өзгерек Бұл ән бұрынғы әннен өзгерек
Бұл ән бұрынғы әннен өзгерек, Бұған ұйқасты өлең, сөз керек Өзіне орайлы. Денең жан нұрлы болса, жөнделмек, Өлең әнге өлшеп айтса, өңделмек, Ұйқасса
Ең жақсы өлең Ең жақсы өлең
Таудай сөздің түйіні бар тарыдай, Өлеңнің де бермейді ғой бәрі ұнай. Маған Пушкин - «Есімде өткен сол бір шақ» Маған Абай -«Желсіз түнде жарық ай».
Өлең керек Өлең керек
Сая болып жаныңа емен, терек, Жетер енді жатқаның көлеңкелеп. Өгейсінбей өзі боп қалу үшін, Өнер керек ұрпаққа, өлең керек!
Жаман өлең Жаман өлең
Бәрібір қарауылға ілінгенсің, Білгіштің айтуынша «бүлінгенсің» Жаман өлең жазайын Петефише Жамандасын білгішім, күнін көрсін.
Біреудің кісісі өлсе, қаралы ол, Біреудің кісісі өлсе, қаралы ол,
Біреудің кісісі өлсе, қаралы ол, Қаза көрген жүрегі жаралы – ол, Көзінің жасын тыймай жылап жүріп, Зарланып неге әнге салады ол?
Пікірлер (0)
Пікір білдіру
Ақпарат
Қонақ,тобындағы қолданушылар пікірін білдіре алмайды.
×