Көңілім, неге жасисың? Миым, неге ашисың? Ой түбіне жете алмай, Жүректі тырнап қасисың....

Селдетіп өткен тасқындай Серпіліп біраз асасың, Сергітіп кеткен мас қылмай, Сейілді күндер жасасын!...

Қайтер едің өмірге келмегенде, Көнесің де... Қайтесің көнбегенде? Көресің де... Қайтесің көрмегенде? Көлден тамшы бұйырмас шөлдегенде....

Біле алмаймын, білмеймін, түсінбеймін, (Түсінбесең, түсінбе, түсін мейлің) Қуанып көктен ырыс құйды екен деп, Қолымнан тостағымды түсірмеймін....

Несіне ойланасың, Несіне қиналасың, Қайтесің, Бір жылы сөз қимағасын? Атаң қазақ ескерткен әлдеқашан, Ешкімде сыйламайды сыйламасаң!...

Сыйың мен құрметіңе қарамай - ақ, Ауылыңнан аттанып ем жалаң - аяқ. Ақсақал, ақ емшегің болғанымен, Өсіп ем ақымақты итке баламай - ақ....

Жылдарым менің, жылдарым Жазылмай қалған жылдарым. Айтылмай жүрген сырларым, Ақтармай жүрген мұңдарым, Жылдарым, қайран, жылдарым....

... Құдайға менің не өкпем бар? Берген соң сендей құрдасты, Беріп жібер «төшкіңді» Қасына қосты бір басты...

Жасы алпысқа жетпей - ақ, Қара басып, қағындым. Екі аяқтан айырылып, Төсегіме таңылдым....

Өңім бе, әлде, түсім бе? Жоқ еді қулық ісімде. Бір ағайын келмеді, Үлкен - кіші ішінде. Білмеймін, не пәлеге болдым душар? Дем ыстық, жан жаралы, хәлім нашар....